https://rapidshare.com/files/2578560868/_isoHunt__Apocalypse.Now.Redux.DVDRIP-ZEKTORM.torrent
Read more »
https://rapidshare.com/files/2578560868/_isoHunt__Apocalypse.Now.Redux.DVDRIP-ZEKTORM.torrent
ប្រទេសកម្ពុជាគ្រោងបញ្ជូននិសិ្សតច្បាប់៥នាក់ទៅសហរដ្ឋអាមេរិកនាសប្តាហ៍ខាងមុខឆាប់ៗនេះ ដើម្បីប្រទ្បងប្រកួតប្រជែងជាអន្តរជាតិជាមួយនិសិ្សតជាង៥០០ក្រុមមកពីបណ្តាប្រទេសនានាចំនួន៤០នៅលើពិភពលោកលើវិញ្ញាសាច្បាប់ឧក្រិដ្ឋកម្មសង្រ្គាម ច្បាប់ប្រឆាំងអំពើភេរវកម្មជាអន្តរជាតិនិងច្បាប់ប្រឆាំងអំពើប្រល័យពូជសាសន៍។
ផ្អែកតាមប្រភពបានឲ្យដឹងថា ការបញ្ជូននិស្សិតទៅសហរដ្ឋអាមេរិកដើម្បីប្រទ្បងប្រកួតប្រជែងលើវិញ្ញាសាខាងលើនេះជាលើកដំបូងហើយ នៅស្របពេលដែលកម្ពុជាកំពុងតែស្ថិតនៅក្នុងដំណើរការជម្រះក្តីក្រុមអតីតមេដឹកនាំខែ្មរក្រហមជាន់ខ្ពស់ក្រោមបទឧក្រិដ្ឋកម្មប្រឆាំងមនុស្សជាតិនិងឧក្រិដ្ឋកម្មសង្រ្គាម។
ការប្រទ្បងជាអន្តរជាតិនោះនឹងស៊ីរយៈពេលមួយសប្តាហ៍ពេញចាប់ពីថៃ្ងទី២២ ខែមីនា រហូតដល់ថៃ្ងទី២៨ ខែមីនា ខាងមុខនេះ នៅក្នុងទីក្រុងWashington DC សហរដ្ឋអាមេរិក។
កញ្ញា ស្រេង នារីរត្ន័ ជានិសិ្សតម្នាក់នៅក្នុងចំណោមនិសិ្សតខែ្មរ៥នាក់និងជានិសិ្សតឆ្នាំទី១នៃសាកលវិទ្យាល័យនីតិសាស្រ្តនិងសេដ្ឋកិច្ចនៅក្នុងទីក្រុងភ្នំពេញបានថ្លែងប្រាប់វិទ្យុអាស៊ីសេរីថា ៖ «ដោយសារប្រទេសកម្ពុជាធ្លាប់មានបនប្រល័យពូជសាសន៍ហ្នឹង ខ្ញុំគិតថា ការប្រកួតហ្នឹងជាការសំខាន់មែនទែនដើម្បីយើងជាកូនខ្មែរ យើងត្រូវដឹងថា តើតុលាការអន្តរជាតិហ្នឹងស្តង់ដាររបៀបម៉េច?»។
និសិ្សតម្នាក់ទៀតឈ្មោះ សយ កម្សាន្ត ជានិសិ្សតឆ្នាំ៤នៃសាកលវិទ្យល័យនីតិសាស្រ្តដែលនឹងចូលរួមក្នុងការប្រកួតប្រជែងខាងមុខនេះ បានបានថែ្លងថា ៖ «សាលាក្ដីខ្មែរក្រហមយើងហ្នឹង ECCC គេប្រើប្រាស់ International Law (ច្បាប់អន្តរជាតិ) ការប្រកួតរបស់ខ្ញុំ ក៏គេប្រើប្រាស់ផ្អែកទៅលើ International Law ទាំងស្រុងដែរ»។
នៅក្នុងចំណោមនិសិ្សតខ្មែរទាំង៥នាក់ខាងលើនេះ មាននិសិ្សតប្រុសចំនួន៣នាក់និងនិស្សិតជាស្រី្តភេទចំនួន២នាក់គឺចេញពីសកលវិទ្យាល័យនីតិសាស្រ្ដនិងសេដ្ឋកិច្ចដូចគ្នា បានប្រទ្បងធ្វើតេស្តជាប់និងបានជ្រើសរើសដោយចៅក្រមជាតិនិងអន្តរជាតិមកពីសាលាក្តីខែ្មរក្រហមដើម្បីចូលរួមប្រទ្បងនៅក្នុងសហរដ្ឋអាមេរិកនោះ។
ផ្អែកតាមប្រភពបានឲ្យដឹងថា នៅក្នុងចំណោមប្រទេសចំនួន៤០ ដែលបានបញ្ជូននិស្សិតទៅកាន់សហរដ្ឋអាមេរិកដូចគ្នាដើម្បីចូលរួមប្រកួតប្រជែងលើវិញ្ញាសាខាងលើនេះ មានដូចជាប្រទេសសិង្ហបុរី ប្រទេសថៃ ជប៉ុន ប្រទេសចិន ម៉ាទ្បេស៊ី និងប្រទេសមួយចំនួនទៀត។
លោក គឹម គីរី ជាសាស្រ្តចារ្យនៃសកលវិទ្យាល័យនីតិសាស្រ្តនិងសេដ្ឋកិច្ចនៅក្នុងទីក្រុងភ្នំពេញដែលនឹងដឹកនាំនិសិ្សតចំនួន៥នាក់ ទៅសហរដ្ឋអាមេរិកនាសប្ដាហ៍ខាងមុខនេះបានមានប្រសាសន៍ថា ៖ «គេមើលស្ថានភាពរបស់ខ្មែរយើងដែរ។ ជាលើកទី១»។
ទាក់ទងនឹងបញ្ហាខាងលើនេះ លោក សុក សំអឿន នាយកប្រតិបត្តិនៃក្រុមអ្នកច្បាប់ការពារសិទ្ធិកម្ពុជា បានមានប្រសាសន៍ថា ៖ «ព្រោះទី១ យើងមានតុលាការកាត់ទោសមេដឹកនាំខ្មែរក្រហម នៅស្រុកខ្មែររួចហើយ ដូច្នេះការ Expectation ការសង្ឃឹមរបស់អ្នកខាងក្រៅ ប្រហែលជានិស្សិតច្បាប់យើងដឹងរឿងហ្នឹងច្បាស់ជាងគេ»។
លោកបានបន្តថា កម្ពុជាគប្បីបណ្តុះបណ្តាលនិស្សិតឲ្យបានកាន់តែច្រើនខាងវិស័យច្បាប់អន្តរជាតិ ពីព្រោះកម្ពុជាជាប្រទេសធ្លាប់រងគ្រោះដោយសារជម្លោះជាអន្តរជាតិកន្លងមក ដូចជារបបខែ្មរក្រហមប្រល័យពូជសាសន៍បានបណ្តាលឲ្យប្រជាពលរដ្ឋខែ្មរជិត២លាននាក់រងការសម្លាប់រង្គាលនៅចន្លោះឆ្នាំ១៩៧៥ និងឆ្នាំ១៩៧៩។ ហើយទៅថៃ្ងអនាគត កម្ពុជានឹងចូលរួមក្នុងសកម្មភាពជាច្រើនជាអន្តរជាតិនៅក្នុងតំបន់និងនៅលើពិភពលោក៕
ដកស្រង់ពីRFA
លោកនាយករដ្ឋមន្ត្រី ហ៊ុន សែន ថ្លែងទៅកាន់និស្សិតនៅក្នុងពិធីផ្ដល់អាហារូបករណ៍ ក្នុងទីក្រុងភ្នំពេញ កាលពីថ្ងៃទី២០ វិច្ឆិកា ២០០៨
រូបភាពពីRFA
លោកនាយករដ្ឋមន្ត្រី ហ៊ុន សែន បានមានប្រសាសន៍បញ្ជាក់ម្តងទៀតចំពោះវិធានការបំបាត់បនល្បែងស៊ីសងជាមួយការព្រមានថានឹងដកហូតបុណ្យស័ក្តិមន្ត្រីណាដែលមិនស្តាប់បង្គាប់។
នៅក្នុងប្រសាសន៍កាលពីម្សិលមិញនៅក្នុងក្រសួងមហាផ្ទៃនាសន្និបាតត្រួតពិនិត្យលទ្ធផលការងារប្រចាំឆ្នាំ លោកនាយករដ្ឋមន្ត្រីបានមានប្រសាសន៍ថា វិធានការបំបាត់ល្បែងស៊ីសងមិនមែនធ្វើតែមួយភ្លែតនោះទេ។
លោកនាយករដ្ឋមន្ត្រីបានមានប្រសាសន៍ថា ៖ «ត្រូវតាមឲ្យជាប់កុំឲ្យងើបឡើងវិញ តិចតែលេង៣ខែស្ងាត់ៗស្រាប់តែមកវិញ ត្រង់ណេះក៏ល្បែងត្រង់ណោះក៏ល្បែងលើសដើម អាហ្នឹងគឺថាខ្ញុំម្ដងហ្នឹងអត់សុំទោសទេប្រាប់ឲ្យហើយ អ្នកខាងក្រោមត្រូវសុំទោសម្ដងអាហ្នឹង សុំទោសហើយទទួលទោសបណ្ដោយទៅ ព្រោះអានេះវិធានការខ្ញុំបានផ្ដល់ឲ្យ ផ្ដល់ដាវផ្ដល់អី វាលុបអស់រលីងទៅហើយ មាននៅសល់អីទៀត អ៊ីចឹងទេសុំមើលៗផងអំពីបញ្ហាហ្នឹង»។
សូមបញ្ជាក់ថា នៅក្នុងសុន្ទរកថារបស់លោកនាយករដ្ឋមន្ត្រីកាលពីម្សិលមិញនោះដែរ លោកបានបញ្ជាឲ្យពង្រឹងវិធានការបង្ក្រាបក្រុមបងតូចបងធំថែមទៀតដែលសមត្ថកិច្ចបានបន្តធ្វើតាំងពីដើមឆ្នាំ២០០៥នោះមក។
នៅក្នុងសុន្ទរកថានោះផងទៀត លោកនាយករដ្ឋមន្ត្រីក៏បានធ្លោយនៅរឿងមួយទៀតដែលជាប់ទាក់ទងនឹងការតែងតាំងតំណែងថ្មីដល់អតីតអគ្គមេបញ្ជាការកងទ័ព លោក កែ គឹមយ៉ាននោះផងដែរ។
លោកនាយករដ្ឋមន្ត្រីបានមានប្រសាសន៍ថា គេគ្រោងតែងតាំង លោក កែ គឹមយ៉ាន ជាឧបនាយករដ្ឋមន្ត្រីទទួលបន្ទុកខាងផ្នែកបង្ក្រាបប្រឆាំងគ្រឿងញៀន៕
ដកស្រង់ពីRFA
ព្រះបាទនរោត្តមសីនុ
អតីតព្រះមហាក្សត្រខ្មែរ ព្រះបាទនរោត្តម សីហនុ មានព្រះបន្ទូលថា ការ
ព្យាបាលព្រះរោគមហារីករបស់ទ្រង់កំពុងតែប្រព្រឹត្តិទៅដោយរលូន។
នៅក្នុងសារលិខិតមួយច្បាប់ដែលចុះផ្សាយនៅក្នុងវ៉ិបសាយថ៍របស់ព្រះអង្គ
សម្តេចសីហនុមានព្រះបន្ទូលថា ព្រះអង្គបានយាងទៅកាន់មន្ទីរពេទ្យដើម្បី
ពិនិត្យព្រះរោគ ហើយលទ្ធផលបញ្ជាក់ថាជំងឺមហារីករបស់ព្រះអង្គបានធូរ
ស្រាលជាងមុនហើយ។
សម្តេចសីហនុ ដែលមានព្រះជន្ម៨៦ព្រះវស្សាបានចាកចេញពីមាតុប្រទេស
កាលពីខែកក្កដាឆ្នាំមុនដើម្បីទៅសម្រាកព្យាបាលព្រះកាយនៅទីក្រុងប៉េកាំង
បានមានប្រសាសន៍កាលពីខែធ្នូថា វេជ្ជបណ្ឌិតជនជាតិចិនរបស់ទ្រង់បានរក
ឃើញជំងឺមហារីកថ្មីមួយទៀតនៅក្នុងព្រះកាយរបស់ព្រះអង្គ។
អតីតព្រះមហាក្សត្រខ្មែរមួយព្រះអង្គនេះ ដើមឡើយមានជំងឺមហារីកម្យ៉ាង
ដែលជះឥទ្ធិពលដល់កោសិកាឈាមនិងធ្វើឲ្យប៉ះពាល់ដល់ប្រព័ន្ធទប់ទល់
មេរោគនៅក្នុងព្រះកាយរបស់ទ្រង់៕
ដកស្រង់khmer.radioaustralia.net.au
ទាហានថៃដើរនៅក្បែរជំរំនៅជិតប្រាសាទព្រះវិហារខ្មែរនាថ្ងៃទី១៤ វិច្ឆិកា ២០០៨
រូបភាពRFA
នៅឯខេត្តឧត្តរមានជ័យ ជនជាតិថៃម្នាក់បានត្រូវចាប់ខ្លួន ខណៈលបលួចចូលមកក្នុងទឹកដីខ្មែរ នៅអន្លង់វែង ដោយប៉ុនប៉ងយកមីនចូលទៅក្បែរបន្ទាយទាហានខ្មែរ។
ជនជាតិថៃរូបនេះធ្លាប់ត្រូវចាប់ម្តងហើយ តែបានត្រូវបញ្ជូនទៅថៃវិញ។
កងរក្សាព្រំដែនខ្មែរនៅតំបន់ច្រកជាំសាង៉ាំ ស្រុកអន្លង់វែង ខេត្តឧត្តរមានជ័យ បានអះអាងថា គេបានចាប់ខ្លួនបុរសជនជាតិថៃម្នាក់ដែលក្នុងដៃមានគ្រាប់មីន ហើយព្យាយាមលួចចូលមកក្នុងព្រំដែនខ្មែរ។
មន្ត្រីយោធាព្រំដែនខ្មែរមួយរូបដែលសុំមិនបញ្ចេញឈ្មោះប្រចាំកងល្បាតទី៣ បានមានប្រសាសន៍កាលពីព្រឹកថ្ងៃអាទិត្យ ទី១ ខែមីនា ថា បុរសជនជាតិថៃឈ្មោះ ស៊ុផាប វង្សប្រៈ អាយុប្រមាណ៣៩ឆ្នាំ ត្រូវកងល្បាតរបស់លោកចាប់ខ្លួនកាលពីល្ងាចថ្ងៃទី២៧ ខែកុម្ភៈ ដោយសារជននោះមានកាន់គ្រាប់មីនប្រភេទ៦៩មួយគ្រាប់នៅជាប់នឹងដៃ ហើយបានព្យាយាមលួចចូលទៅក្បែរបន្ទាយទាហានខ្មែរនៅតំបន់ចម្ការស្វាយរបស់អតីតមេខ្មែរក្រហមតាម៉ុក ជិតតំបន់ប៉ោយតារួន លើខ្នងភ្នំដងរែក។
មន្ត្រីយោធាដដែលបាននិយាយថា គេនៅសង្ស័យថា បុរសជនជាតិថៃម្នាក់នោះអាចលួចចូលមកដាក់គ្រាប់មីនដើម្បីបង្កឲ្យមានគ្រោះថ្នាក់ក្នុងទឹកដីខ្មែរ ហើយកងល្បាតកំពុងរុករកខ្លាចក្រែងមានគ្រាប់មីនផ្សេងទៀតដែលជននោះអាចលាក់ទុក ៖ «ចាប់បានល្ងាចម៉ោង ៥ និង ៣០នាទី។ វាចូលមកចម្ងាយប្រហែល ៥០ម៉ែត្រ ពីបន្ទាយខ្មែរ... ក្នុងទឹកដីយើង។ មាន ៦៩មួយគ្រាប់ ហើយផ្សេងៗទៀត មិនដឹងជានៅកន្លែងណាសួរអត់ចេញ»។
តាមកងរក្សាព្រំដែនខ្មែរបានឲ្យដឹងទៀតថា ជនជាតិថៃម្នាក់នោះមិនដឹងច្បាស់ពីមុខងាររបស់គេពិតប្រាកដនៅឡើយដោយតាមរយៈសាកសួរគេបានឆ្លើយម្តងថា ធ្វើទាហានឈុតខ្មៅនិងម្តងថា ជាប្រជាពលរដ្ឋ។
អនុប្រធានក្រុមការងារទំនាក់ទំនងព្រំដែនកម្ពុជា-ថៃប្រចាំច្រកជាំសាង៉ាំ លោកវរសេនីយ៍ទោ តូច រ៉ា បានមានប្រសាសន៍ថា បុរសជនជាតិថៃម្នាក់នោះកំពុងស្ថិតក្នុងការសាកសួរនៅឡើយ ដោយត្រូវរង់ចាំការសម្រេចបញ្ជាពីថ្នាក់លើថា ត្រូវបញ្ជូនត្រឡប់ទៅប្រទេសរបស់គេវិញឬយ៉ាងណានោះ។
លោក តូច រ៉ា បានមានប្រសាសន៍ទៀតថា បុរសជនជាតិថៃឈ្មោះ ស៊ុផាប នេះ បានលបលួចចូលព្រំដែនខ្មែរចំនួន ២លើកមកហើយ នៅក្នុងខែកុម្ភៈ ដោយលើកមុនបានបញ្ជូនត្រឡប់ទៅវិញ។
លោក តូច រ៉ា មានប្រសាសន៍ដូច្នេះថា ៖ «នៅយើងនៅឡើយ។ យើងកំពុងតែសួរសិន សួរហើយចាំជម្រាបទៅថ្នាក់លើ ឲ្យថ្នាក់លើឲ្យយោបល់យ៉ាងម៉េចបានយើងគិតតាមហ្នឹង ព្រោះ ស៊ុផាប ហ្នឹង ប្រមាណបួនដប់ថ្ងៃមុន កងល្បាតភាគីយើងចាប់បានដែរ កាលហ្នុងវាមកដុតព្រៃដុតអីហ្នឹង យើងចាប់បានម្ដង ហើយយើងបញ្ជូនវិញដែរ នេះលើកទី២ហើយដែលមកនេះ»។
ទោះយ៉ាងណានៅថ្ងៃអាទិត្យនេះ មិនអាចទំនាក់ទំនងមន្ត្រីស្ថានទូតថៃប្រចាំកម្ពុជាដើម្បីសុំប្រតិកម្មបញ្ហានេះបានទេ។
មន្ត្រីការពារព្រំដែនខ្មែរខេត្តឧត្តមានជ័យ បានឲ្យដឹងថា កងទាហានខ្មែរបានបង្កើនការដើរល្បាតនៅតាមបន្ទាត់ព្រំដែនខ្មែរ-ថៃបន្ថែមទៀត ដោយសារក្នុងអំឡុងចុងខែកុម្ភៈនេះ គេសម្គាល់ឃើញបុរសជនជាតិថៃជាញឹកញាប់ដែលធ្វើជារបៀបវងេ្វងផ្លូវហើយចូលមកក្នុងតំបន់ព្រំដែនខ្មែរជិតៗកន្លែងទាហានខ្មែរបោះទីតាំងនៅ។
តាមមន្ត្រីយោធាឲ្យដឹងថា កាលពីថ្ងៃទី២៦ ខែកុម្ភៈកន្លងមក បុរសជនជាតិថៃមា្នក់បានចូលព្រំដែនខ្មែរនៅតំបន់ថ្គាមរមាសក្រោម អតីតជំរំជនភៀសខ្លួនតាទុំ ដោយជនជាតិថៃរូបនោះថា វង្វេងផ្លូវ ហើយកងព្រំដែនខ្មែរបានចាប់បញ្ជូនទៅខេត្តសុរិន្ទវិញ៕
ដកស្រង់ពីRFA
អតីតរដ្ឋមន្ត្រីសង្គមកិច្ច អៀង ធីរិទ្ធ នៃរបបខ្មែរក្រហម អាយុ ៧៦ឆ្នាំ អង្គុយនៅក្នុងសវនាការរបស់សាលាក្ដីខ្មែរក្រហម នាថ្ងៃទី ៩ កក្កដា ២០០៨
រូបភាពពីRFA
ជនត្រូវចោទ អៀង ធីរិទ្ធ នៅក្នុងសវនាការប្រឆាំងការឃុំខ្លួនបន្ថែម នាព្រឹកថ្ងៃអង្គារនេះ បានឆ្លើយតបដោយការខឹងសម្បាចំពោះការលើកឡើងដែលថា លោកស្រីមានជាប់ពាក់ព័ន្ធជាមួយក្រុមអតីតមេដឹកនាំខ្មែរក្រហមមួយចំនួន ដែលរួមមានអតីតប្រធានសភាខ្មែរក្រហម នួន ជា និង កាំង ហ្កិចអ៊ាវ ហៅ ឌុច ជាអតីតមេគុកទួលស្លែងនោះ។
ការថ្លែងបដិសេធនោះ គឺបានធ្វើឡើង បន្ទាប់ពីជំនួយការសហព្រះរាជអាជ្ញា គឺលោក សេង ប៊ុនឃាង បានថ្លែងក្នុងសវនាការថា មានភស្តុតាងជាច្រើនដែលបង្ហាញអំពីការជាប់ពាក់ព័ន្ធរបស់ អៀង ធីរិទ្ធ ជាមួយក្រុមអតីតមេដឹកនាំខ្មែរក្រហមដទៃទៀត និងការទទួលខុសត្រូវរបស់លោកស្រីចំពោះឧក្រិដ្ឋកម្មក្នុងរបបខ្មែរក្រហមនោះ។
ក៏ប៉ុន្តែ ជនត្រូវចោទ អៀង ធីរិទ្ធ ឆ្លើយបដិសេធទាំងខឹងសម្បា ដោយបាននិយាយជាភាសាខ្មែរផង និងភាសាអង់គ្លេសផងយ៉ាងដូច្នេះថា ៖ «យកខ្ញុំទៅភ្ជាប់ជាមួយ ឌុច គឺមិនត្រូវជាដាច់ខាត ខ្ញុំគ្មានពាក់ព័ន្ធទេ ទៅស៊ើបមើលខ្លួនឯងទៅ ខ្ញុំគ្មានពាក់ព័ន្ធទេ។ កន្លងមក ខ្ញុំទៅផ្សាយវិទ្យុនៅហាណូយ ព្រោះនៅភ្នំពេញមានការទម្លាក់គ្រាប់បែក។ ផ្សាយវិទ្យុនៅហាណូយអស់ ៣ឆ្នាំ កូនសិស្សទៅតាមខ្ញុំរាប់រយនាក់។ នៅឆ្នាំ១៩៧៥ ខាងលោក ប៉ុល ពត គាត់ហៅខ្ញុំនិងក្រុមខ្ញុំចូលមកស្រុកវិញ មកតាមប្រទេសចិន ពេលនោះដោយមានសមមិត្តចិនអ្នកដឹកនាំមកស្រុកខ្មែរមុន ខ្ញុំក៏ជិះយន្តហោះពិសេសជាមួយសមមិត្តចិនម្នាក់ឯង ហើយស្អែកឡើងបានពួកក្មួយៗប្រុសស្រីទាំងអស់ហ្នឹងនាំគ្នាជិះកប៉ាល់ហោះមកដល់ស្រុកខ្មែរក្រោយខ្ញុំមួយថ្ងៃ។ ដូច្នេះខ្ញុំគ្មានជំពាក់ជំពិនអីជាមួយ នួន ជា អី ខ្ញុំគ្មានទេ ប៉ុន្តែ នួន ជា ធ្វើអី ខ្ញុំដឹង សម្លាប់មនុស្សយ៉ាងម៉េច ខ្ញុំដឹងទាំងអស់។ ខ្ញុំសូមជម្រាបប៉ុណ្ណឹង ខ្ញុំដឹងថា មនុស្សដែលស្លាប់ អ្នកណាជាអ្នកបញ្ជាឲ្យសម្លាប់ គឺ កាំង ហ្កិចអ៊ាវ អ្នកបញ្ជាឲ្យសម្លាប់ អាហ្នឹងខ្ញុំដឹង»។
សូមជម្រាបថា អៀង ធីរិទ្ធ អាយុ៧៧ឆ្នាំ បានរងការចោទលើបទឧក្រិដ្ឋកម្មប្រឆាំងនឹងមនុស្សជាតិ ដែលរួមមានអំពើមនុស្សឃាត ការសម្លាប់បំផុតពូជលើពលរដ្ឋនាអំឡុងរបបវាលពិឃាតខ្មែរក្រហម។
លោកស្រីត្រូវបានឃាត់ខ្លួនជាមួយប្តីរបស់លោកស្រី គឺលោក អៀង សារី អតីតរដ្ឋមន្ត្រីការបរទេសខ្មែរក្រហម និងបានជាប់ឃុំតាំងពីថ្ងៃទី១៤ ខែវិច្ឆិកា ឆ្នាំ២០០៧មក។
អៀង ធីរិទ្ធ តបចំពោះការចោទទៀតថា ៖ «កុំមកចោទខ្ញុំផ្ដេសផ្ដាស ខ្ញុំជាអ្នកមានពូជតាំងពីដើមមក ខ្ញុំមកចោទខ្ញុំថាជាឃាតករ ប្រយ័ត្នចុះនរក៧ជាន់ ងើបមិនរួច»។
ទោះបីជាយ៉ាងណាក៏ដោយ អៀង ធីរិទ្ធ ទទួលស្គាល់ថា គាត់ជាអតីតរដ្ឋមន្ត្រីសង្គមកិច្ចក្រសួងនិងទទួលស្គាល់ថា គាត់បានដឹងឮអំពីការស្លាប់មនុស្សក្នុងរបបខ្មែរក្រហមនោះផង។
ចំណែកឯមេធាវីការពារក្ដីឲ្យ អៀង ធីរិទ្ធ គឺលោកមេធាវី ផាត់ ពៅស៊ាង បានទាមទារដោះលែងកូនក្តីរបស់ខ្លួនឲ្យនៅក្រៅឃុំ ដោយដាក់ឲ្យនៅក្រោមការត្រួតពិនិត្យរបស់តុលាការ។
ប៉ុន្តែនៅវេលាម៉ោង១ថ្ងៃដដែលនេះ អៀង ធីរិទ្ធ ត្រូវក្រុមសន្តិសុខនាំទៅកាន់មន្ទីរឃុំឃាំងវិញ ហើយសេចក្តីសម្រេចចំពោះបណ្តឹងឧទ្ធរណ៍ប្រឆាំងការឃុំខ្លួនបន្ត ឬយ៉ាងណានោះ គឺនឹងត្រូវប្រកាសនៅវេលាក្រោយ៕
ដកស្រង់ពីRFA
ទីតាំងកម្ពុជាក្រោម
លោក ស្រី សុធី តំណាងមិត្តសមាគមខ្មែរកម្ពុជាក្រោម ប្រចាំខែត្រស្វាយរៀង ដែលកំពុងគេចខ្លួនដោយព្រួយបារម្ភពីសុវត្ថិភាពផ្ទាល់ខ្លួននិង ក្រុមគ្រួសារបានស្នើសុំឲ្យមានការជួយអន្តរាគមន៍ពីសហគមន៏ជាតិនិង អន្តរជាតិជុំវិញការតាមរកចាប់ខ្លួនលោកសួរចម្លើយរបស់ក្រុម អាជ្ញាធរខែត្រស្វាយរៀង ដែលរួមសហការជាមួយអាជ្ញាធរវៀតណាម។
លោក ស្រី សុធី ដែលមានទីលំនៅអចិន្ត្រៃយ៍នៅឃុំទួលស្តី ស្រុកចន្ទ្រា ខែត្រស្វាយរៀង បានគេចខ្លួន កាលពីថ្ងៃទី២០ កុម្ភៈនេះ ទាក់ទងនឹងបញ្ហាសៀវភៅបីក្បាលនៅផ្ទះរបស់លោកដែលត្រូវញាតិសន្តាន មកពីទឹកដីកម្ពុជាក្រោម យកទៅជាមួយ។
លោក ស្រី សុធី មានប្រសាសន៍ដូច្នេះថា ៖ «បានសួរខ្ញុំថាសុខ សប្បាយដែរឬទេ? ខ្ញុំថាសុខសប្បាយទេ។ គាត់ប្រាប់ខ្ញុំថា មានគេ ២នាក់ឡើងពីហ្នឹងមកដើម្បីតាមដានរកចាប់ខ្ញុំនៅឯទីក្រុងភ្នំពេញ។ ផ្ដាំខ្ញុំថាកុំឲ្យចេញដើរពាសពេញឲ្យសោះ។ ខ្ញុំមកជ្រកកោននេះ គឺទី១ ចិត្តរបស់ខ្ញុំសុំឲ្យអង្គការសហប្រជាជាតិជួយសម្របសម្រួលដោះស្រាយ ជាមួយនឹងរាជរដ្ឋាភិបាល ឬមួយក៏អង្គការអន្តរជាតិ សូមឲ្យលោកជួយដោះស្រាយឲ្យខ្ញុំបាទ បានសេចក្ដីសុខចម្រើន ហើយវិលត្រឡប់ទៅផ្ទះវិញដោយសុខសុវត្ថិភាព កុំឲ្យមានការចាប់ខ្លួនអីតទៅទៀត។ ក៏ប៉ុន្តែនៅតែខ្លាចខ្ញុំមិនហ៊ានទេ ឲ្យទៅផ្ទះវិញមិនហ៊ានតែម្ដង»។
សូមរំឭកជូនថា ពលរដ្ឋខ្មែរក្រោម ១២នាក់ ដែលយកសៀវភៅបីក្បាលទៅជាមួយនោះ គឺមានសៀវភៅប្រវត្តិសាស្ត្រកម្ពុជាក្រោម សម្រាប់សិស្សថ្នាក់ទី៣ និងទី៤ សៀវភៅប្រជុំរឿងព្រេងខ្មែរកម្ពុជាក្រោម និងសៀវភៅទី៣ អំពីស្ត្រីខ្មែរកម្ពុជាក្រោម ដែលបានត្រូវអាជ្ញាធរវៀតណាមចាប់ខ្លួននៅស្រុកថ្មសុរិន ខែត្រកំពង់គោ ដែលវៀតណាមហៅស្រុកឌឹកវ៉េ ខែត្រឡុងអាង កាលពីថ្ងៃទី១៥ កុម្ភៈ កន្លងមកនេះ បន្ទាប់ពីអ្នកទាំងនោះ មកចូលរួមក្នុងពិធីមង្គលការនៅឃុំទួលស្តី ស្រុកចន្ទ្រា ខែត្រស្វាយរៀង មក។
លោក ស្រី សុធី ឲ្យដឹងថា នៅថ្ងៃការតាមចាប់ខ្លួននោះ គឺចំពេលលោកកំពុងបំពេញបេសកកម្មនៅទីក្រុងភ្នំពេញ ហើយថាផ្ទះសម្បែងរបស់លោក បានត្រូវអាជ្ញាធរខែត្រស្វាយរៀង រួមសហការជាមួយភ្នាក់ងារវៀតណាម ធ្វើការឆែកឆេរដោយគ្មានការអនុញ្ញាតពីលោកឬភរិយាលោកជាមុនឡើយ។
ទាក់ទងនឹងសៀវភៅទាំងបីក្បាលនោះ លោក កឹម ប៊ុកកែវ ប្រធានរដ្ឋបាលនៃសមាគមមិត្តខ្មែរកម្ពុជាក្រោម ឲ្យដឹងថា គឺជាសៀវភៅដែលបោះពុម្ពផ្សាយក្នុងប្រទេសកម្ពុជា ដោយស្ថាប័នសមត្ថកិច្ចដែលមានការអនុញ្ញាតត្រឹមត្រូវ។
លោក កឹម ប៊ុកកែវ បន្តថា ដោយមានដើមកំណើតជាខ្មែរកម្ពុជាក្រោមស្រាប់ លោកគិតថា ការដែលខ្មែរក្រោមចង់ចេះដឹងអំពីវិជ្ជាខ្មែរនោះ គឺពុំមានអ្វីប្លែកទេ។ ចំណែកឯវៀតណាម តែងឆេកឆេរហាមឃាត់ជារហូតមក។
សូមរំឭកថា អតីតព្រះគ្រូចៅអធិការវត្តភ្នំដិន នៃខែត្រតាកែវ បានត្រូវចាប់ផ្សឹកដោយសម្តេចព្រះសង្ឃរាជ និងអាជ្ញាធរកម្ពុជា ហើយបញ្ជូនទៅឲ្យក្រុងហាណូយដាក់គុកកាលពីឆ្នាំ២០០៧ កន្លងទៅ ដោយមូលហេតុនៃការមានព្រឹត្តិបត្រនិងឯកសារផ្សេងៗ ផលិតឡើងដោយសហព័ន្ធខ្មែរកម្ពុជាក្រោម ដែលមានទីស្នាក់ការនៅសហរដ្ឋអាមេរិក។
ទោះជាយ៉ាងណាក្តី យើងពុំទាន់អាចរកសេចក្តីបញ្ជាក់ពីមន្ត្រីផ្លូវការណាម្នាក់នៃ ក្រសួងមហាផ្ទៃចំពោះហេតុការណ៍នេះ បានភ្លាមៗទេ៕
ដកស្រង់ពីRFA