HENGsambo Portafolio

ឧ!ខ្មែរអើយចូរក្រោកឡើង ចូរលើកតំកើងប្រាសាទខ្មែរ
មានព្រះវិហារជាហូរហែរ ដូចនេះកូនខ្មែរគួរតែដឹង។
ព្រះវិហារជាប្រាសាទខ្មែរ ល្អល្អះម្លេះទេដែនលោកកា
យូលង់មកហើយខ្មែរបានចារ នៅលើបុព្វតានៃជួរភ្នំ។
ពេលនេះប្រាសាទត្រូវស្រែកយំ ដោយពួកមួយក្រុមចង់បំពាន
បញ្ចេញសំដីគា្មនខ្មាស់អៀន ចង់មកបៀតបៀនយកប្រាសាទ។
ឧ!ពួកថៃអើយកុំច្រឡំ ប្រាសាទយើងខ្ញុំកុំមកបៀត
គួតែចៀសចេញកុំវិវាទ មុំជ្រែកកុំជ្រៀតចូលដីខ្មែរ។
ឧ!ជាតិខ្មែរលើផ្ទៃប្រទេស កុំធ្វើប្រហេសជាមួយថៃ
ត្រូវប្រុងប្រយត្ន័ទោះយប់ថ្ងៃ ព្រោះចោរចង្រៃចង់លួចយក។
ថៃអួតប្រាប់គេអែងគ្រប់គ្នា ថាព្រះវិហារជាប្រាសាទខ្លួន
ថាខ្មែរលបលួចលាក់បំពួន យកប្រាសាទខ្លួនធ្វើជាគេ។
កុំយល់ច្រឡំណាពួកថៃ បំភ្លើសបំភ្លៃគ្មានមេត្តា
នេះជាប្រាសាទខ្មែរទេណា សូមកុំមេត្តាកុំគិតខុស។