នាយករដ្ឋមន្ត្រីហ៊ុន សែន
ពីRFAខ្មែរ
កាលពីថ្ងៃអង្គារទី២២ ខែកក្កដាម្សិលមិញនេះលោកនាយករដ្ឋមន្រ្តីនៃប្រទេសកម្ពុជាហ៊ុនសែន បានចោទប្រកាន់ប្រទេសថៃថា បានបំពានដោយខុសច្បាប់ ក្នុងកាបញ្ជូនទព័មកកាន់ទឹកដី ដែលមានជម្លោះ នៅតំបន់ប្រាសាទព្រះវិហារនោះ។
ហើយនៅក្នុងលិខិតមួយច្បាប់ដែលបានផ្ញើរទៅអោយអង្គយូណេស្កូនោះលោកនាយករដ្ឋមន្ត្រីបានឲ្យដឹងថា ការបញ្ជូនទព័នោះ គឺមានការគំរាមកំហែងចំពោះសន្តិភាពក្នុងតំបន់។ស្របពេលជាមួយគ្នានេះ រដ្ឋាភិបាលបានជូនដំណឹងដល់ប្រជាជនខ្មែរទូទាំងប្រទេសឲ្យដឹងថា ប្រទេសថៃកំពុងតែធ្វើការឈ្លានពានលើអធិបតេយ្យជាតិខ្មែរហើយ ។
ការជូនដំណឹងបានធ្វើឡើងជាផ្លូវការនៅថ្ងៃនេះតាមរយៈការចេញលិខិត មួយរបស់ក្រសួងការបរទេសខ្មែរ ដែលត្រូវបានបណ្តាញសារព័ត៌មាននានា រួមទាំងទូរទស្សន៍ជាតិផងដែរ បានធ្វើការផ្សាយដំណឹងភ្លាមៗដើម្បីឲ្យមតិសាធារណជនទូទៅបានជ្រាប ។
ក្រសួងការបរទេសខ្មែរបានឲ្យដឹងនៅក្នុងលិខិតនោះថា ប្រទេសថៃបានរំលោភលើបន្ទាត់ព្រំដែនអន្តរជាតិ ដែលបានគូរតាំងពីឆ្នាំ១៩០៨ ដោយគណៈកម្មការចម្រុះ រួមមានតំណាងមកពីប្រទេសសៀមនិងគណៈប្រតិភូនៃប្រទេសអាណាព្យាបាល មានប្រទេសបារាំងផងដែរ ដែលកាលនោះ បានតំណាងឲ្យប្រទេសកម្ពុជា ៕
4 hours ago
